ఇ.గాయత్రి

ఇ.గాయత్రి గారు సరదాగా సినిమా పాటలు వీణ మీద పలికిస్తారు.ఆ సరదా గొప్ప వరం ఓల్డీస్ ప్రియులకి.' మనసు పరిమళించెనే ' అనే ఆల్బం లో మనం ఇష్టంగా వినే తీయటి పాత పాటలు ఉన్నాయి.మొదటి పాట ' విన్నానులె ప్రియా '.ఒకరి మనసు ఒకరు ' ' కనుగొన్నప్పటి ' పట్టలేనంత ఆనందం ఉత్సవంలా వినిపిస్తుంది నాకు ఈ పాటలో. దీనికి తెలుగులో సంగీతం పెండ్యాల గారయినా మూలం ఎం.ఎస్.విశ్వనాథన్ గారిది.కొన్ని మార్పులు చేశారు పెండ్యాల గారు.ఒరిజినల్ కూడా వేరేగా ఎం.ఎస్. వి మెలొడీస్ అని వాయించారు గాయత్రి గారు.ఈ తెలుగు పాటల ఆల్బం లో ఉన్నవన్నీ ముత్యాలూ పగడాలూ.' తపము ఫలించిన శుభవేళా ','నిన్న కనిపించింది ' ,'ఖుషీ ఖుషీగా నవ్వుతూ ','మనసు పరిమళించెనే ',' ప్రేమయాత్రలకు '.గాయత్రి గారి వీణ గొంతుతో పాడినట్లే ఉండటం చిత్రం.'ఒంటరొంటరిగ పోయేదానా ' పాటలో 'ఓ..నానా ' అనటంలో నాజూకు ఎంత శ్రావ్యంగా ఉంటుందో. 'నిలువుమా నీలవేణీ ' వాయించిన తీరు అద్భుతం.నాకు సినిమాలో దాని కంటే ఇదే బావుంటుంది.ఆ లింక్ విడిగా ఇస్తున్నాను.అక్కడ కన్నక్కుడి గారి  ఇంకొన్ని మెలొడీ లు బోనస్ గా ఉన్నాయి.' చిన్నారి పొన్నారి పూవు ' మృదువు గా వినిపిస్తుంది వయొలిన్ మీద.గాయత్రి గారుమీటినవి   ఇంకా ఉన్నాయి ఇందులో.. 'పాడవేల రాధికా ',' ఓహో మేఘమాలా ','చేయి చేయి కలుపరావె '...అన్నీ తప్పకుండా వినండి తీరిక చేసుకుని. http://m.bindassfm.com/album.php?id=igk http://gaana.com/song/old-is-gold-manasu-parimalinchane-ntr-and-anr-film-tunes/niluvuma-niluvuma-amarasilpi-jakkanna-76434E Gayathri Manasu Parimalinchene E Gayatri Hits Telugu Songs m.bindassfm.comFree Manasu Parimalinchene E Gayatri Hits Music, Albums, E Gayathri